Dili – Nu’udar novisa, ami haksolok tebes hodi estuda konstituisaun, maibé iha momentu furak ida ne’ebé ohin ami koko duni hodi aprezenta saida mak ami aprende, nune’e ami primeiro ano hahú ho artigu 64 ne’ebé ko’alia kona-ba “Misaun”, ami hakle’an liu iha parte ida ne’ebé ko’alia kona-ba mandatu Kreda  nian: “Kreda entrega mandatu apostóliku ba Institutu, ne’ebé hala’o hodi tama iha komuñaun no iha asaun evanjelizadora Kreda partikulár sira-nian liuhusi komunidade inspetoriál no lokál sira” hodi nune’e, FMA “hotu-hotu koopera ba foin-sa’e feto sira nia salvasaun”.

Furak liu tanba Madre Mestra haruka ami hakle’an liuliu konaba prezensa FMA nian iha Timor. Ho tempu barak ami haka’as-an atu hatene, reflete no hakle’an hodi buka istória ne’ebé furak no halo kontaktu ho fonte sira, no buat ne’ebé halo ami haksolok liu mak ho Padre Salezianu sira nia tulun, nune’e halo foinsa’e sira laran manas liutan hodi mehi atu sai FMA. Maibé iha foin-sa’e ida naran Jacinta Gusmão ne’ebé agora koñesida ho naran Madre Tita. Nia ho laran manas hakerek surat ba Madre Jerál iha Roma ho liafuan ne’ebé dehan feto foin-sa’e barak liu hein Maín iha Timor.

Ikusnian ami aprezenta ho kriatividade istória loos prezensa FMA nian ihaTimor. Agradese Na’i ba sira nia mehi ne’ebé sai realidade, no dada foin-sa’e barak sai FMA. Fundasaun buras ho sira nia mehi furak sai Maria Nia Tulun-Na’in nia oan feto sira. Ohin loron misaun iha Timor sai buras ho Maromak nia grasa no Maria nia intervesaun hamutuk ho Don Bosco no Maria Mazzarello.

 

(Isabel no Honória)