Liturjia Domingu VI Páskua nian konvida ita atu kontempla Maromak nia domin, hatudu iha Jezús nia jestu no nia liafuan sira no loron ba loron halo sai prezente iha ema sira nia moris hodi Jezús nia dixípulu sira nia hahalok.

Leitura daruak aprezenta definisaun ida kle’an no kompleta liu kona-ba Maromak: “Maromak mak domin”. Jezús ne’ebé bá hasoru ema sira no ninia mate iha krús hatudu oinsá Maromak nia domin boot tebes ba ema sira. Sai “Maromak nia oan” no  “koñese Maromak” katak husik domin ne’e nia dinamizmu envolve ita no hadomi maun no biin-alin sira.

Iha Evanjellu, Jezús define koordenada sira “dalan” nian ne’ebé ninia dixípulu sira tenke halo, iha sira-nia marxa iha istória… Sira mak “belun sira” ne’ebé Jezús revela Aman nia domin; sira-nia misaun mak fó sasin kona-ba Maromak nia domin iha ema sira nia leet. Liuhusi sasin ne’e, Maromak nia projetu salvadór bele konkretiza no moris mai Ema Foun.

Leitura dahuluk afirma katak Maromak oferese salvasaun ne’e ba ema hotu, liuhusi Jezús Kristu, no dixípulu sira mak lori ba mundu. Ba Maromak, buat ne’ebé desizivu la’ós pertense ba rasa ida eh grupu sosiál ida, maibé disponibilidade atu simu oferta ne’ebé Nia halo.

Download