Sidade Vaticano – Papa Francisco kontinua katekeze kona-ba Batizmu. Iha kuarta 25 Abríl, nia subliña kona-ba batizmu nu’udar forsa atu manán buat aat, forsa ne’ebé ema hetan husi Sakramentu ida-ne’e.

Amu-Papa Francisco destaka katak ema la mesak iha fonte batismál, maibé heta akompañamentu husi Kreda tomak nia orasaun, orasaun ne’ebé asisti ema iha ninia luta hasoru buat aat no akompaña nia iha moris iha hahalok di’ak.. “Ita Igreja reza ba malu. Ne’e buat furak ida atu reza ba ema seluk”, Amu-Papa hateten.

Iha sentidu ida-ne’e, Amu-Papa fó hanoin katak vida sarani nafatin bele monu ba tentasaun atu haketak an husi Maromak, maibé Batizmu prepara no fó kbiit ba luta loron ba loron ida-ne’e, luta mós kontra diabu. “Batizmu la’ós fórmula májika ida, maibé don ida Espíritu Santu nian ne’ebé habiit ema ne’ebé simu Batizmua tu luta kontra esoíritu aat nian”.

Aleinde aspetu orasaun nian, Papa Francisco temi mós ritu Batizmu nian: kose mina iha hirus-matan ho mina katekúmenu sira nian, sinál salvasaun nian. “Kolen tebes atu hafunu kontra buat aat, halai husi ninia lia-bosok sira, manán fali kbiit depoizde luta ne’ebé hakolen, maibé ita tenke hatene katak moris sarani tomak mak kombate ida. Ita tenke, hatene mós katak ita la mesak, katak Inan Igreja reza atu ni aoan sira, moris hikas husi Batizmu, la monu ba malignu nia lasu sira, maibé manán sira ho Kristu nia Páskua nia kbiit”.

“Ita hotu bele manán, manán hotu, maibé ho kbiit ne’ebé mai husi Jezús”, Amu-Papa remata.