Laga – Pe. Klement Vaclav, halo vizita kanónika iha Komunidade Salesiana de Don Bosco (SDB) Laga, nune’e iha 19 dadeer, Missa hamutuk ho Komunidade Filhas de Maria Auxiliadora (FMA ) Laga, iha Tomagua. Tempu hanesan, “Obras Pontifícia Infância e Adolescência Misisionária” (OPIAM) halo sira nia enkontru iha komunidade FMA Laga, nune’e, Pe. Klement no Reitór Komunidade SDB Laga, Pe. Rui Gomes, reza Missa hamutuk  ho Madre sira no mós OPIAM sira, iha salão Multi-Função Tomagua nian.

Iha dadeer kmanek ida ne’e ida, mensajen furak be Pe. Klement hato’o ba ita hotu mak: “Amu-Papa nia pergunta be dala barak nia husu, ‘ó iha Biblia ka lae?” Nune’e, nia husu ba OPIAM sira, se iha smartphone karik tau mós Bíblia iha laran; nia husu atu sai Misionáriu/a, ba iha rai sira ne’ebé seidauk  hatene Jezús. Pe. Klement dehan, “ema sira ne’ebé misionáriu, oras ne’e iha rai misaun sira haksolok tebes”. Krús Misionáriu, ne’ebé nia mós iha no hatudu ba labarik no adolexente sira, ida-ne’e mak tinan-tinan fahe iha Bazílika Maria Auxiliadora, Torino, ba sira ne’ebé hakarak sai misionáriu/a. “Se imi hakarak karik, bele hetan, maibé tenki misionáriu/a”.

Missa remata, foto hamutuk, han hamutuk ho komunidade, no iha meza mesa nia husu Me. Angelita, atu ba rai misaun, liu-liu iha Japão, tamba iha fatin ne’e, presiza liu madre foin-sa’e sira.

(Simoa Correia)