Selebrasaun ba tinan 25 prezensa FMA nian iha Timór remata ona ho loron rua ba foin-sa’e sira MJS nian

Husi Ir. Alma Castagna

 

Venilale – Foin-sa’e sira 400 to’o iha Venilale husi komunidade FMA no SDB nian iha nusa ne’e, loron 5 Outubru loraik  400 atu selebra sira-nia agradesimentu no fó sasin ba sira-nia fiar. Hotu tiha animasaun atu hamans ambiente, foin-sa’e sira siste montajen ida kona-ba Jornada Mundiál Juventude nian ne’ebé, liuhusi Amu-Papa nia liafuan sira, tulun atu verifika sira-nia moris.

Hotu tiha han-kalan hatudu joven Venilale husi ETP Madre Mazzarello no Orfanatu S. Domingo Savio aprezenta muzikál ida kona-ba FMA nia prezensa iha Timór, hahú husi Madre Mazzarello no husi ninia mandatu ba primeira FMA misionária sira iha Timór.

Domingu loron 6 dadeer foin-sa’e sira-nia númeru sa’e ba liu 1.000 no hamutuk sira hahú peregrinasaun iha foho Ariana iha ne’ebé Maria Ausiliadora ni ailas iha bá. Dalan pergrinasaun nian hahú ho irmán Piera nia reflesaun kona-ba Maria nia fiar ne’ebé konvida foin-sa’e sira atu konfronta an ho nia no hakle’an fiar rasik. Tuir dalan sira konsege fahe sira-nai esperiénsia fiar nian, harohan ba foin-sa’e sira ne’ebé iha difikuldade laran no iksumai, rona sasin ruma husi foin-sa’e maluk sira.

Dalan peregrinasaun nian taka ho Selebrasaun Eukarístika, ne’ebé D. Basílio do Nascimento, bispu Baucau nian no Prezidente Konferénsia Episkopál mak prezide, no amlulik salezainu no diosezanu na’in 15, no entre sira provinsiál SDB, padre João  Paulino Guterres. Iha alta’r nia sorin tara dezeñu ai-hun maran ida, no iha ai-hun ne’e foin-sa’e sira tau ai-tahan no ai-funan sira ne’ebé aprezenta sira-nia fiar no fuan husi fiar ne’e iha ia-nia ambiente sira. Husi fini ki’ik-oan ne’ebé foin-sa’e misionária, moris mai ai-hun boot ida fiar nian ne’ebé kontinua fó fuan iha foin-sa’e sira.