Dili – Formasaun ba juniores sira, hala’o iha loron 03 -07 Abril tinan ida ne’e, realiza iha casa provinsial Comoro Dili, Irmán sira ne’ebé partisipa mai husi komunidade hotu inspetoria TIN nian hamutuk 18 pessoa, inklui mos husi Sumba Pala no Bondokodi maske dook maibé Irmán sira marka mos sira nia prezensa iha sorumutu ida ne’e. Oradora ba formasaun ida ne’e mak Madre provinsial, Ir Alma, FMA no Ir Julia Marçal ,FMA, topiku  ne’ebé aprezenta iha enkontru ne’e mak ko;alia barak kona ba Pastoral Juvenil. Modalidade sira ne’ebé  uza ba formasaun mak hanesan, aprezentasaun husi  formadora sira,  reflesaun pessoal, fahe iha grupo kiik, hafoin aprezenta hamutuk iha asembleia.  Rezumu husi seminar loron tolu mak tuir mai ne’e;

• Ba loron dahuluk nian aprezenta kona ba Pastoral iha  Institutu no Estilu Salesianu  atu Evanjeliza no eEduka,  no Eduka no Evanjeliza, ne’ebé ho objetivu mak  tulun ita atu sai kosiente liu tan ba rikusoin sistema preventivu, halo sai ita nian rasik hodi komunika  Jesus ba joven sira liu husi prezensa ativa iha asaun edukativa no evanjelizasaun nian atu promove edukasaun integral, hodi sai sidadaun onesto no kristaun diak. Pontus balun ne’ebé ami sita husi madre nia aprezentasaun mak:
• Pastoral DB nian ne’ebé karateriza ho koerente seriedade, ba hilin ida edukasaun nu’udar area no modalidade proprio atividade pastoral nian.
  Tamba ne`e sadere ba sistema preventivu iha faktu konkretu hodi penetra  ezistensia ema nian ne’ebé fo entre “ evanjelizasaun no edukasaun”. Slogan ida ne’e DB nia tempo usa formula simples ida mak  sai sarani diak no sidadaun onesto” ne’ebé lori ema hetan  allegria, estuda, piedade.
• Ba DB asaun edukativa tenke konsidera iha roman realidade kristaun nian tamba eduka signifika ajuda ema ida atu tama iha Maromak nia projetu no salva nia hodi hetan ksolok no moris ne`ebe naresin. Maromak nia grasa serbisu iha joven sira nia fuan no forma sira hodi moris nudar ema maduro.
• Ida ne`e mak prosesu pedagogia ida iha ne`ebe husu ita hotu nia dinamika umanu atu kria iha labarik no joven sira kondisaun aseitasaun nian atu sira bele hatan ho livre. Nune`e iha pasu dahuluk (asserzione) “evangelizzare educando” esije liu atu atualiza fila fali sistema preventivu: ita sai animador -evangelizador loos nu’udar pessoal no komunidade, no konsidera area  Kultura ho ninia valor sira, ninia institusionál no ninia siensia nu’udar ambiente ka patria destinasaun  ba ita nia misaun pastoral.

Ba loron daruak nian aprezentasaun kona ba fuan oratoriano no kriteriu renovasaun identidade Salesiana no modelu riferensia edukativa nian.

• Fuan oratorianu sai we matan (sorgente) ne’ebé alimenta ita nia prosesu atu edukador/a, konsagrados, leigos sira nia fuan kontinua sunu ho ahi domin nian ba joven sira, iha ne’ebé sai lalatak imajen Maromak nian atu serbi no hadomi ho paixaun no dedikasaun tomak to`o rohan!
• “fuan oratoriano” estilu ida atu moris paixaun edukativa. Espresaun ida ne’e ohin husu ba ita atu fo atensaun hodi  kria iha ita nia ambiente, parokia no oratorio fuan oratoriano ne’ebé fo atensaun ba dialogo, prezensa signifikativa hodi hakbesik an ba joven sira, dialogo, espasu edukativa ne’ebé bele hetan iha fatin hotu liu- liu ho joven sira; akompaña sira atu sai sarani diak no sidadun onestu.

Loron datoluk : Pastoral juvenil no Pastoral vokasional

• Espasu moris nian ba animasaun vokasaun nian, kriteriu no pasu sira  ne’ebé sei konsidera iha prosesu disernimentu no akompañamentu vokasional nian
• Dimensaun vokasional mak parte integral husi Pastoral Juvenil, tan ne`e mak Pastoral Juvenil buka tau matan ba joven sira no eduka sira integral atu sira bele deskobre Maromak nia plano ba sira idak- idak. Se nune’e Pastroal Juvenil sai kompletu no efikaz wainhira loke ba dimensaun vokasaun nian.
• Pastoral Vokasional tau nu’udar kategoria unifikasaun husi pastoral hotu- hotu.

Favorese ho gradual ba progresu maturidade fiar nian iha Maromak no sentidu  atu moris ninia vida hanesan  vokasaun iha  membru komunidade edukativa sira hotu. Hilin sira ba desenvolvimentu vokasional ida-idak nian hodi  kria  kultura vokasional iha livelo komunidade.

Ita ba rona  Irmán balun ne’ebé espresa sira nia hanoin kona Seminar ida ne’e;

• Josefa Ricarda, FMA ( Komunidade Balide): “ Tuir hau seminar ida ne`e tulun ita atu fila fali ba ita nia hun hodi konfronta ita nia an no ita nia misaun ho fundador sira nia espiritu dahuluk ne’ebé sai fundamento no pontu riferimentu ba ita nia identidade salesiana. No konvida ita atu hafoun an no eduka an nafatin atu sai edukadora no evanjelizadora salesiana ne’ebé halo sistema preventivu sai ita nian rasik, hodi serbisu iha Kristu nia kreda ho fuan karidade evanjelika”.
• Olviana Inakii, FMA ( Komunidade Bonkodi): “ obrigada barak ba madre sira ne’ebé fahe sira nia matenek ho ami, husi seminar ida ne’e bele fo mai ha’u ideia klean no foun oinsa sai akompañadora ba labarik no foinsa’e sira ne’ebé ha’u hasoru iha misaun. Akompaña ida ne’ebé lori  atu deskobre Maromak Nia projetu ba sira nia moris. Nune’e seminar ida ne’e dezafia ha’u  no bele sai mos hanesan bukae mai ha’u atu oinsa hala’o misaun iha komunidade foun – Bondo Kodi, oinsa akompaña foinsa’e no labarik sira tuir karizma Salesiana.
• Grinalda Da Costa, FMA ( Komunidade Eusebia):” Uluknanain agradese ba Madre Alma no Madre Julia ne’ebé disponibel atu fahe sira nia tempu no matenek ba ami. Ha’u bele dehan katak buat hotu ne’ebé ha’u rona no aprende iha seminar ida ne’e sai nu’udar empeñu ida ba ita ida-idak atu fila fali nafatin ba abut Karismatiku hodi haklean no reflete fila fali dokumentu sira Istituto nian, hafoin bele aplika iha ita nia misaun pastoral. 

Iha loron ikus molok ba fali komunidade ida-idak, iha tan serbisu ne’ebé presiza halo mak empeñu ba misaun iha komunidade ida-idak. obrigada wain ida ne’e mak ami nia sintezi.

(Maria Sarmento Guterres)