Sidade Vaticano – Tríduu Paskál mak tema katekeze Papa Francisco nian iha loron 28 Marsu nian, iha ne’ebé nia husu ba sarani sira: “festa ida-ne’ebé mak importante liu ba ita-nia fiar, Páskua ka Natál?” “Páskua tanba festa ita-nia salvasaun nian, festa Maromak nia domin nian mai ita, festa, selebrasaun ninia mate no moris-hi’as”.

Loron tolu, kinta, sesta no sábadu molok Pásku, importante liu ba vida sarani. “Loron tolu ne’e propoin ba povu kristaun eventu salvasaun sira ne’ebé Kristu halo”, Amu-Papa esplika.

Momentu ne’ebé Kristu moris-hi’as krusiál ba fiar sarani. Liafuan sira “Kristu moris hi’as” iha importánsia fundamentál ba Tríduu. Iha-ne’ebá mak hahú “dalan ba misaun, ba anúnsiu: Kristu moris hi’as. No anúnsiu ida-ne’e, ne’ebé tríduu prepara ita atu simu, mak sentru ita-nia fiar nian no ita-nia esperansa nian, núkleu,  mak anúnsiu, – liafuan difisil, maibé dehan buat hotu – kerygma, ne’ebé kontinuamente evanjeliza Igreja no ida-ne’e, husi Kreda nia parte, Na’i haruka atu evanjeliza” Papa Francisco esplika.

Ikus nian, Papa Francisco husu ba sarani sira atu moris Tríduu Santu iha nia plenitude, atu ita bele hakle’an Kristu nia mate, mate no moris hi’as mai ita.

Tríduo Pascal