Dili – Iha loron 24 fulan Marsu komunidade S. José agradese Madre, hahu iha dader  ho selebrasaun Eukaristia, hafoin iha kalan Komunidade kontinua agradese ba Madre Alma nia prezensa iha vizita kanónika, Tan ne’e iha loron hirak ne’e nia laran, Madre dedika tempu tomak hodi akompaña ho atitude rona, guia, suporta no fó korajen ba Irman ida-idak atu sai laran manas liu tan iha misaun.

Nune’e nu’udar oan ami hotu haksolok hodi agradese ho diálogu badak konaba atitude sira ne’ebé durante iha madre nia konferensia no iha boanoite kontinua ko’alia mai ami konaba: domin, disponibilidade, ksolok, laran manas ba misaun, rona, akompañamentu no dixernimentu ne’ebé sai importante  iha Irman sira nia moris, no mós  ho kantu ne’ebé simples ho nia titulo ne’ebé dehan; “CI SIA TRA VOI LA CARITÀ, ĽAMORE VERO CHE MAI FINIRÀ, E TRA LA GENTE UN FUOCO CHE, IL MONDO INTERO TRASFORMERÀ”. Kantu ida ne’e mak sai hanesan gratidaun  profundu husi ami nia fuan ne’ebé kl’ean no ksolok,  halo ami kontinua sai disponivel hodi moris iha santidade tuir DB no MM sira nia ezemplu, no moris ho fidelidade liutan ba konstituisaun  no regulamentu loron-loron nian. Iha madre nia mensajen ikus nian ne’ebé book ami ida-idak nia fuan mak: moris iha karidade ne’ebé autentiku ho fuan ida de’it nu’udar familia ida iha Kristu no haburas liutan liturgia semana Santa nian ho solene. Adeus e Boanoite.

(Komunidade S. José)