Dili – Loron 18 fulan Marsu, oras tuku 10:00, ho ksolok boot ami komunidade São Jose simu Me. Alma ne’ebe mai halo vizita kanonka iha ami nia komunidade. Irmãn no novisia sira simu Me. Alma ho dansa tradisional ne’ebe furak liu.Komunidade tomak akompaña Me. Alma ba Kapela hodi halo orasaun hamutuk tuir ita nia tradisaun. Tuir mai iha konferensia, Madre dehan vizita kanonika mak: Maromak nia  prezensa real ihane’ebe rona, tulun, akompaña, enkoraja no disernimentu, liliu hare realidade moris lorloron nian.

Oratorio Maria Auxiliadora Tasi tolu no oratorio Joaun Paolo II

Iha loraik oras tuku 3-5.00 madre Alma vizita oratorio centro Maria Auxiliadora  no João Paulo II.

Iha madre nia vizita koalia kona ba fini ne’ebe monu ba rai mate karik nia sei fo fuan barak, maibe la mate karik nia sei hela mesak. Ba imi oratoriano sira se imi hakarak sai buras imi tenke mate ba imi nia an, se imi hakarak iha imi nia moris sai ema diak bin-maun ne’ebe diak, imi tenke mate  ba imi nia an rasik, hodi la tolok, la hatudu liman ba malu, la hirus malu, la baruk, la nakar.

Madre fo serbisu ba oratoriano sira atu konvida mos sira nia maluk seluk mai oratorio basa, madre dehan ema ne’ebe konvida nia maluk mai oratorio hanesan misionario boot ida. Nune’e mai ita haksolok hamutuk  nu’udar oratoriano.

(FMA komunidade S. Jose-Dili)