Selebra tinan 25 prezensa FMA iha Timór

Husi Ir Sebastiana Soares

 

Dili –  Inspetoria TIN, “St. Maria Mazzarello” Timor-Leste hahú selebra tinan 25 prezensa  FMA  iha Timor-Leste. Atu partisipa ba eventu ida ne’e, La Madre haruka Ir. Piera Cavaglià, Sekretária Jerál FMA nian ne’ebé to’o iha Dili 30 Setembru 2013 hamutuk ho irmán Felicidad Boado husi Filippinas, ne’ebé uluk Inspetora bainhira Timór sei hola parte ba Inspetoria Filippinas. Irán sira, formande, labarik sira, no mós menina sira simu Ir. Piera ho ksolok iha Dili. Hamutuk hasa’e agradese ba Maromak nia domin boot ne’ebé hakonu Inspetoria ho vokasaun saleziana ho selebrasaun Eukarístika ne’ebé selebra husi padre Nelson SDB.

 

Iha “buona notte” irmán Piera konvida hotu-hotu atu agradese Maromak ba Maromak nia don sira liuhusi Na’i-Feto.Hodi foti ezemplu irmán ida ne’ebé hetan isin-di’ak husi Na’i-Feto Lourdes nia intersesaun ne’ebé akompaña ho karidade, nia konvida irmán sira atu agradese Na’i akompaña mós ho karidade.

Loron 1 Outubru, loron hahú fulan misionáriu ho festa S. Teresinha do Menino Jesus, padroeira misaun sira nian, irmán Piera no FMA sira prezente iha Dili, nune’e mós estudante sira escola Maria Auxilaidora nian selebra  Eukaristia hamutuk ne’ebé prezide husi padre Agostinho Soares SDB. Estudente sira fó benvinda ba irmán Piera no irmán Felicidad, hafoin irmán Piera kumprimenta alun/a sira hodi dehan:”Ohin Jezús halibur hamutuk ita iha ne’e, atu nia bele ko’alia mai ita; Jezús hakarak dehan ninia Liafuan espesiál ba imi… Imi hakarak rona Jezús, tau iha imi nia fuan buat hotu ne’ebé nia dehan… Maria Tulun imi atu rona didi’ak buat ne’ebé Jezús tau iha imi-nia fuan…

Misa remata tiha, irmán iera halo enkontru enkontru ho irmán diretora sira hamutuk ho membru konselleira ne’ebé iha Dili. Irmán Felicidad mós partisipa iha enkontru.

Iha ninia reflesaun abertura nian, dehan: ”Beleza no rikusoin no don sira iha Ispetoria mak irmán ida-idak. Obrigada ba fini ki’ik ne’ebé kuda no moris iha rai ida-ne’e. … Ita hamutuk hasa’e ita-nia gratidaun ba Maromak liuhusi Maria, ba tinan 25 FMA iha rai Timor, ho espíritu Mornese nian ne’ebé neineik-neineik inkultura iha Timór-oan sira nia moris no hahú tau abut ne’ebé metin… Iha tinan 25 ita esperimenta prezensa providente Maromak nian liuhusi Maria Ausiliadora nia gia materna ne’ebé akompaña Institutu nia dalan no tahan ita iha oras krús nian no mós oras ksolok nian. Maria Ausiliadora prepara lurón- loos duni  liuhusi mediasaun sira… salezianu sira”.

Iha konferénsia ne’e, Ir. Piera temi mós kona-ba padre Carbonell nia surat be’ebé iha 1986 konvida FMA sira atu loke uma iha Timór. Nune’e, madre Lina Chiandotto hatán ba padre Carbonell nune’e: “Ita entrega projetu ne’e ba Ausiliadora, seguru katak se Nia hakarak ita iha Timór mós, Nia sei tulun ita atu supera difikuldade sira hotu”.

Defaktu, Nia hakarak no ohin ita halo ona tinan 25 prezensa iha Timór.

Molok remata konferénsia Ir. Piera husu pergunta 2 ba irmán sira:

–      Tanba sá ita hakarak agradese, … agradese ba saida?…

–      Saida mak imi nia preokupasaun?

Ir. Piera taka enkontru ne’e hodi dala ida tan agradese ba vokasaun no konvida atu halo dalan ba santidade. Nia mós konvida diretora sira ho Papa Francisco nia liafuan sira ba Superiora sira Vida Konsagrada nian atu sai inan no sai fekunda iha vida espirituál: “imi sai inan, hanesan Maria Inan no Kreda Inan”.