Sidade Vaticano – Iha katekeze kuarta, 28 Fevereiru, Papa Francisco ko’alia kona-ba “aprezentasaun oferenda sira-nian”: “Na’i husu mai ita, iha vida ordinária, vontade di’ak; husu mai ita fuan nakloke, husu mai ita hakaran atu sai di’ak liután no atu Nia rasik haraik nia An mai ita iha Eukaristia, nia husu mai ita oferta simbólika sira ne’eb’e sei nakfilak iha Isin no Raan”.

Krús mak altár kristaun dahuluk, no “bainhira ita hakbesik ba altár atu selebra Missa, ita-nia memória bá altár Krús nian, iha-ne’ebé halo sakrifísiu dahuluk”.

Liturjia eukarístika tuir Liturjia Liafuan. “Iha nia, liuhusi sinál santu sira, Igreja halo atu Sakrifíssiu aliansa foun nian ne’ebé Jezús marka iha altár krús nian kontinua sai prezente”, nu’udar “altár kristaun dahuluk”, no iha nia halao “sakrifísiu dahuluk”.

Santa Missa 11

Amu-Papa esplika katak amlulik, iha Missa, “reprezentaKristu, kumpri buat ne’eb’e NA’i rasik halo no konfia ba dixípulu sira iha Han-Kalan Ikus: nia foti paun no kálix, agradese, fó ba nia eskolante sira dehan: “Simu no han bá… hemu bá: ne’e ha’u-nia isin… ne’e kálix ha’u raan nian. Ha;o ida-ne’e hodi hanoin ha’u”.

Obedese ba Jezús nia mandatu, Igreja dispoin liturjia eukarístika iha momentu sira ne’ebé korresponde ho jestu no liafuan ne’ebé Nia dehan molok nia paixaun. Nune’e mak “iha preparasaun don sira nian ema lori paun no tua ba altár, katak elementu sira ne’ebé Kristu foti iha nia liman sira”.

“Iha orasaun eukarístika ita agradese Maromak ba obra redensaun nian no oferta sira ne’ebé sei nakfilak ba Jezús Kristu nia Isin no Raan. Tuir mai iha silu Paun no Komuñaun, hodi nune’e ita hamoris fali Apóstolus ira nia esperiénsia ne’ebé simu don eukarístiku sira hu Kristu rasik nia liman”.

“Di’ak atu fiar-na’in sira mak aprezenta ba amlulik paun no tua, tanba sira signifika oferta espirituál Igreja nian halibur iha eukaristia. Maski ohin loron fiar-na’in sira la lori ona, hanesan tempu uluk, paun no tua aru uza ba Liturjia, maib´ritu aprezentasaun don sira-ne’e nian konserva ninia valór no signifikadu espirituál”.

Iha paun no tua nu’udar ema nia kolen ne’ebé tau iha altár, sentru liturjia eukarístika tomak nian, sarani sira oferese sira-nia kompromisu atu halo sira-nia an”sakrifísu ida soi ba Maromak, Aman kbiit-na’in” ba “Kreda tomak nia di’ak”. Halo nune’e, sarani sira nia moris, sira-nia terus, sira-nia orasaun, sira-nia serbisu, tau hamutuk ho Kristu nian no ninia oferta totál, no ho modu ida-ne’e nia asume valór foun:

“Ita-nia oferta uitoan, maibé Kristu presiza buat uitoan ne’e. Na’i husu uitoan mai ita, no haraik wain. Nia husu uitoan mai ita: Na’i husu mai ita, iha vida ordinária, vontade di’ak; husu mai ita fuan nakloke, huus mai ita hakaran atu sai di’ak liután no atu Nia rasik haraik nia An mai ita iha Eukaristia, nia husu mai ita oferta simbólika sira ne’eb’e sei nakfilak iha Isin no Raan”.

Ilas ida movimentu oferese orasaun bele haree reprezenta iha insensu ne’ebé, bainhira ahi han, hasai suar moris ne’ebé sae ba leten:

“Insensa oferta sira, hanesan halo iha loron festa sira, insensa krús, altár, amlulik no povu amlulik nian hatudu ho modu vizivel talin ofertoriál ne’ebé kesi realidade sira ne’e ba Kristu nia sakrifísiu”.

Iha paun no tua ita aprezenta ba Na’i oferta ita-nia moris nian, atu Espíritu Santu nakfilak iha Kristu nia sakrifísu no halo sai oferta espirituál ida de’it ba Aman. Enkuantu remata preparasaun don sira-nian, ita prepara an ba Orasaun Eukarístika.

Atu espiritualidade don an rasik nain, ne’ebé momentu Missa nian ida-ne’e hanorin mai ita, bele leno ita-nia loron sira, ita-nia relasaun ho ema seluk, buat sira ne’ebé ita halo, sofrimentu ne’ebé ita hasoru, tulun ita atu harii sidade rai nian iha Evanjellu nia roman.