Dili – Loron 25 Fevereiru 2018, tuku 18:00 lokraik Postulante nain 3,  Postulante Adelia, Postulante Adelaide no mos Postulante Agostinha, ne’ebe  ohin hahu sira nia dalan fomasaun nian ba daluluk moris nu’udar postulante,  Madre Alma Castagna  nu’udar Provinsial  FMA TIN,  simu sira nain tolu hdi hakaat pasu ida tan ba oin .  Konselleira sira ne’ebe  marka prezensa iha seremonia ne’e mak, Irma, Esmeralda Soares, Irmã Carmen Ramos e Irmã Veronika  Kusnadi. Iha mensajen badak husi Madre Alma Castagna nu’dar Provinsial Timor Indonesia  ne’ebe foti fali leitura no evanjellu sai nu’udar tema ba selebrasaun ne’e mak  “Kusi ou sana rai”:  Husik Maromak forma tuir nia hakarak. Maromak hatene imi ida-idak tan ne’e nia halo imi ho kualidade ne’ebe imi iha atu serbi komunidade, foinsae no labarik sira iha ita nia misaun ne’ebe Nai entrega mai ita.  Husu atu ita hoot kapasidade atu rona ho disponivel nafatin.

Tuir mai postulante ida-idak mos hakarak fahe sira nia sentiment u  iha etapa postulante nian ida ne’e.

Loron ne’e sai loron special  e ksolok mai hau. Hau nia fuan agradese wain be wain ba Nai Maromak . iha seremonia nee hau sente katak,  Maromak bolu hau ho hau nia naran rasik. Hau hanoin katak dalan vokasaun nian mak dalan salvasaun nian.  Hanoin mos katak dezafiu nafatin dezafia hau maibe ho Nai nia grasa no akompañamentu  mak ohin hau bele tama iha etapa ida ne’e.  Agradese mos ba Madre Provinsial no konsiliera sira hotu nia apoiu ba hau. Obrigada. (Postulante Agostinha)

Nu’udar postulante hau agradese wain ba Maromak Nia domin ne’ebe fihir hau no bolu hau atu hatan ba vokasun ida ne’e.  Hau agradese ba Madre Provinsial, Madre Alma no konsilieira hotu no Formadora hotu ne’ebe tulun no suporta hau iha dalan ne’ebe ne’ebe hau hili.  Loos duni hau nu’udar kusi ne’ebe mamuk hau mos husik hau nia an iha Nai nia liman ho ksolok iha etapa Postulante nian ne’e hodi buka nafatin Maromak nia hakarak iha moris lor-loron nian. Iha loron ne’e hau sente haksolok tanba ho Inan doben Auxiliadora nia tulun  no gia forte tebes mai hau pesoalmente.  (Postulante Adelaide)

Obrigada Nai ba grasa ne’ebe ohin hau simu hodi hahu tama iha moris postulantado nian.  Hau pesoalmente hakarak atu hatan lor-loron konvite ida ne’e. simbolo kusi ne’ebe ami hili  mak hatudu  domin nain no serbi ema hotu.  Hau haksolok iha loron especial ne’e tanba Nai hakonu hau ho Nia we domin no ksolok nian.

(Adelia-Ines Freitas)