Venilale – Depoizde Verfica CIAO husi loron 9-13 Fevereiru, ohin, 24 Fevereiru hahú tranzmisaun rezultadu Verifica nian ba Komunidade Edukativa, hahú ho zona Baucau, hala’o iha komunidade Madre Mazzarello, Venilale.

Partisipa iha tranzmisaun ne’e Irmán na’in 25, leigu rua no joven ida, hotu-hotu husi Venilale. Tranzmisaun ne’e ho objetivu atu hadi’ak ita-nia dalan iha tinan 2/3 molok Kapítulu Jerál 24, liuliu prosesu sira atu habiit iha ita-nia Inspetoria no iha komunidade ida-idak.

Iha grupu lima ne’ebé servisu kona-ba prosesu sira atu habiit. Ba hilin nakfilak an liuhusi enkontru: grupu 4 subliña kona-ba rona no komunikasaun, fó formasaun liuhusi semináriu kona-ba arte rona no komunikasaun interpesoál; grupu 2 kona-ba kuda relasaun pesoál ho Maromak: silénsiu depoizde ‘boa noite’, prepara didi’ak liturjia, prepara didi’ak ba sakramentu sira. Ne’e hotu bele halo nu’udar workshop nivel inspetoria ka lokál.

Kona-ba “hamutuk ho foin-sa’e sira” iha sujestaun kona-ba formasaun kona-ba leadership ba knaar animadór/a, akompañadór/a no hotu-hotu ne’ebé iha knaar ruma animasaun nian atu iha kompeténsia; halo updating iha formasaun permanente no sujestaun atu tau ema loos iha knaar ida-idak, ema ne’ebé iha “paixaun” ba knaar ida; proposta seluk mak fó sasin ksolok Evanjellu nian (2) hodi konvida ema fó sasin kona-ba koslok Evanjellu nian.

Kona-ba hilin ‘misionária/u ksolok nian’ grupu sira sublina kona-ba dalan ne’ebé ita hili ona maibé seidauk hala’o didi’ak atu iha “aten-barani ba iha periferia” (3), kria ekipa ida estuda joven nia problema sira; vizita família, hodi promove volontariadu ba foin-sa’e sira (2); halo esperiénsia misionária ba Irmán no foin-sa’e sira; kuda estilu moris esensiál, sóbriu no solidáriu; kria esperiénsia ksolok saleziana iha Komunidade Edukativa, no proposta atu hamoris sentru oratóriu sira.

Ir Alma, provinsiál ne’ebé anima enkontru ne’e, hateten katak dalan sira eh proposta sira-ne’e iha ona mós iha ita-nia programasaun tinan ne’e. No, depoizde enkontru ho grupu sira seluk husi zona  Dili no direotira sira, konsellu inspetoriál sei haree hamutuk fali hodi oinsá lori ba oin proposta sira-ne’e atu bele habiit duni prosesu sira ne’eb’e ita ativa ona no Verifica CIAO nian subliña.