Husi Komunidade Maria Auxiliadora  Venilale

 

Venilale – Husi loron 19-20 Setembru 2013, feto-raan na’in 16 halibur hamutuk iha  komunidade Maria Auxiliadora Venilale atu halo enkontru vokasionál ikus molok deside halo esperiénsia volontariadu vokasionál.

Menina sira-ne’e mai husi komunidade Baucau na’in tolu, komunidade Divina Providénsia na’in rua, komunidade Balide na’in rua, komunidade Fuiloro nai’n rua, komunidade ETP MM na’in rua no komunidade Maria Auxiladora na’in lima.

 

Iha loron ida ne’e Loron 19 sira halo retiru badak ho tema “ HALO TUIR NA’I NIA HAKARAK”.  Depoizde retiru Madre Tânia no Madre Paola hato’o bemvinda ba sira no sira aprezenta sira nia an  mai husi fatin ne’ebé.

Loron 20 Setembru hus tuku 9:00 Madre Paola simu sira ida-idak atu bele haree ba sira nia motivasaun. Tanba sá ha’u mai tuir enkontru ida- ne’e? Momentu d’iak atu sira fahe sira nia esperiénsia kona-ba sira nia lia-hatán ba Maromak nia bolun. Tuirmai sira ida-idak deside atu halo esperiénsia ho FMA sira. Iha foin-sa’e na’in sanulu ne’ebé deside atu halo esperiénsia no sei hahú iha fulan Novembru ho esperiénsia apostoladu iha Laga durante tempu Adventu, hafoin iha fulan Janeiru sei hahú voluntariadu vokasionál. Ami konvida Irmán sira hotu atu bele reza ba sira ida-idak nia vokasaun.