“Bodas de prata sacerdotal do D. Norberto do Amaral” (Bispo da Diocese Maliana)

Husi komunidade FMA Kailako

 

Maliana – Ohin, loorn 18 Setembru, ho maneira espesiál hasa’e tiha Eukaristia “Acção de Graças” ba Aman Maromak, nia domin rohan laek, hodi bolu D. Norberto do Amaral ba ministériu saserdotál ne’ebé Jezús Kristu konsagra no haruka hodi Espíritu Santu nia kbiit. Selebrasaun ne’ebé hetan partisipasaun husi Amu-Bispu Basílio no Amu-Bispu Ricardo no amlulik barak.

 

Ita haksolok iha Maromak tanba tinan 25 D. Norberto do Amaral ho maluk seluk hanesan Pe. Filomeno Barreto nia moris no saran an iha misaun saserdotál. Sai Nailulik hanesan dezafiu ida nafatin ba mundu, no ba ita hanesan prezente karan boot ida. Ba Na’i Maromak nia bolu D. Norberto do Amaral hakbiit nia an hosi domin ita Na’i-Feto nian, no hanesan Nia, hatan nia “Sim” ho laran-luak. Hodi Jezús nia Futar fuan Santu simu knaar Bibi-Atan ba Kreda Dioseze Maliana.

Hotu tiha Missa iha lansamentu ba “primeira pedra da Catedral de Diocese de Maliana” tuir kultura iha ne’ebé lia-na’in sira hotu husi suku hotu distritu 3 (Bobonaro, Liquia no Suai), hodi hatama belak sira uluk nu’udar fundasaun atu sai sinál unidade nian ba uma ne’ebé sei halibur hamutuk ema hotu husi ki’ik to’o bo’ot husi dioseze Maliana.