Sam Phran (Tailándia) – Loron daruak Verifika Tinan Tolu CIAO (Conferenza inter-inspetoriál Asia Orientale) foka iha “atitude sira ne’ebé lori mudansa no prosesu atu habiit”.

Hanesan horisehik, loron ohin mós hahú ho Eukaristia hodi hanoin S. Escolástica”, feto kontemplativa no nakonu ho domin, tanba ne’e bele husu buat sá de’it ba Maromak, selebra husi Pe. Francesco Cais SDB.

Loron ida ohin mós hahú ho Madre Yvonne nia liafuan sira atu fó entuziazmu ba partisipante sira atu sai “komunidade sira iha konversaun kontínua no kapasidade ba jestu profétiku sira”.

Foufoun Madre Yvonne dehan katak Don Bosco no Madre Mazzarello husik atu foin-sa’e sira ninia tempu nia pobreza kona sira,  No buat hotu ne’ebé Don Bosco halo mak hafoun sosiedade hahú husi joven sira. No ida-ne’e liuhusi domin edukativu. Maria Domenica Mazzarello moris konversaun kontínua ba kiak sira hodi hetan motivasaun kle’n liu iha Jezús.  Nune’e mak bainhira moras halakon ninia forsa, liuhusi “dixernimentu fuan ba fuan ho Jezús no ho ninia belun Petronilla nia konsellu, nia hili ninia misaun: eduka menina sira no lori sira ba Jezús”. Dalan atu halo mak sai “aprendista” alfaiate nian no mestra iha kampu ida-ne’e. Madre Yvonne mós evidensia jestu ruma profesia nian ohin nian hanesan  “fraternidade no konfiansa, animasaun tuir estilu Maria nian, komuñaun soin nian iha servisu misaun nian”.

Depoizde Madre Jerál nia liafuan sira hahú kedas ho servisu iha grupu sira kona-ba atitude sira ne’ebé favorese mudansa no prosesu sira ne’ebé presiza habiit ba hilin tolu (nakfilak an liuhusi enkontru; hamutuk ho foin-sa’e sira no misionária ksolok no esperansa nian). Kona-ba prosesu sira atu habiit, grupu sira individua proposta konkreta sira ba prosesu sira ne’ebé tenke habiit.

Aleinde ne’e, ohin mós inspetoria tolu: Cina (Hong Kong, Cambodia-Myanmar no Cina Continental) aprezenta sira-nia jestu profétiku, ne’ebé hatudu oinsá Irmán FMA sira ho korajen bá iha periferia sira ohin nian atu hatán ba foin-sa’e kiak sira nia hakilar.

Iha “buona notte”, Ir Monica Liu fahe esperiénsia eduka ba ekolojia integrál iha Hong Kong hahú husi kedas labarik sira iha “Jardim Infantil”.