Amu-Papa esplika katak omilia tenke badak no prepara didi’ak, no ema ne’ebé rona mós tenke halo ninia parte: rona ho atensaun.

Sidade Vaticano – Omilia iha Missa tenke oinsá loos? Badak no prepara didi’ak, Papa Francisco esplika iha katekeze kuarta, 7 Fevereiru, ne’ebé dedika ba momentu proklamasaun Evanjellu nian, tutun ba diálogu entre Maromak no nia povu ne’ebé dezenvolve iha Liturjia Liafuan nian.

Papa Francisco destaka katak Evanjellu konstitui roman atu komprende sentidu testu bíbliku sira ne’ebé presede, iha-ne’ebé ninia leitura rezerva ba ministru ordenadu. Nia destaka katak ita rona Evanjellu atu iha konxiénsia kona-ba saida mak Jezús halo no dehan; ida-ne’e mak Liafuan moris ne’ebé to’o iha fuan. “Tanba ne’e rona Evanjellu importante liu, ho fuan nakloke”, nia enfatiza.

Santa Missa 9

No atu ninia mensajen to’o ba ema sira, Kristu uza mís amlulik nia liafuan, Amu-Papa fó observasaun, hodi halo reflesaun ida kona-ba oinsá mak tenke halo omilia. Nia esplika katak omilia la’ós diskursu sirkunstánsia nian ida nune’e mós la’ós katekeze ida hanesan kuarta nian ne’e, maibé foti filadiálogu ne’ebé loke ina entre Maromka no nian povu.

Ikus nian Amu-Papa destaka katak ema ne’ebé halo omilia – amlulik, diákonu eh bispu – tenke kumpri didi’ak ninia minsitériu, maibé ema ne’ebé rona mós tenke halo ninia parte, hodi fó atensaun loloos no hodi hatene katak pregadór ida-idak iha ninia kualidade nune’e mós ninia limitasaun sira.

Ema ne’ebé prega, Papa Francisco dehan, presiza iha konxiénsia katak nia fó ni alian ba Jezús, nune’e tenke prepar adidi’ak omilia. Dalabarak iha omilia, Amu-Papa observa, ema toba, konversa eh mós sai ba fuma sigarru ida. “Tanba ne’e, halo favór, halo badak omiliam naibé prepara didi’ak. No oinsá prepara omilia, amlulik, diákonu, bispu doben sira? Oinsá prepara? Ho orasaun, ho estudu Liafuan Maromak nian no hodi halo sínteze badak ida, labele liu minutu sanulu, halo favór”.