Husi loron 2-4 Fevereiru, Movimentu Juveníl Salezianu (MJS) hala’o ninia forum, ih aoportunidade furak vizita Reitór-Mor nian mai Timor-Leste. Durante forum ne’e, joven sira hasoru malu ho Reitór-Mor iha loron 3-4 Fevereiru.

SAUDASAUN IHA AKOLLIDA-KAPASIDADE ATU SERVÍ SIRA NE’EBÉ KI’IK LIU

Reitór-Mor dehan ba joven sira MJS nian katak maski ema ida la dehan atu nia fó konferénsia maibé “fasil liu atu ko’alia ba joven sira “. Maibé “ida-ne’e oportunidade furak atu hasoru reprezentante sira juventude saleziana timorense”. Nia dehan katak nia iha tempu hotu ba nia ho joven sira atu hela hamutuk: “ita la presiza halo buat seluk maibé partilla, hela hamutuk, kumprimenta malu, reza, halo saúda, foto ida, buat ne’e hotu”.

Ba nia, ida-ne’e mak oportunidade atu dehan ba foin-sa’e doben sira katak Filhas de Maria Auxiliadora sira, Salezianu sira iha esperansa ida, iha esperansa ida boot liu ba joven sira ami-nia prezensa nian. Ida-ne’e tanba FMA/SDB sira “konvensidu katak joven sira husi ami-nia prezensa sira saleziana iha buat barak atu oferese ba sira seluk, ba sosiedade no ba Igreja… ba nasaun joven ne’e. no ida-ne’e oportunidade maravilloza ida mós ba mundu tomak salezianu. Depoizde tinan barak difisil iha istória, Timor iha oportunidade atu soi joven sira ho fuan boot, ho vizaun no misaun. Ha’u-nia joven doben sira, Timor-Leste iha futuru besik liu ida depende husi imi hotu no konserteza husi joven sira seluk. Dalaruma joven sira hanoin ema seluk mak tenke halo buat importante sira, no imi halo buat seluk. Ita, ita-nia Família Saleziana no ita-nia Movimentu Salezianu bele oferese juventude ida saudavel liu… juventude ida ho valór barak iha fuan no iha kakutak. Juventude saleziana ne’ebé fiar iha valór dame nian, iha valór justisa nian no oportunidade ba ema hotu, valór serbisu onestu, buat sira ne’e hotu imi joven sira tenke moris ho fiar iha Na’i. Ida-ne’e mak ohin imi fó hanoin ‘sarani di’ak no sidadaun onestu’. Ha’u haksolok liu tanba ohin mundu salezianu tomak ne’ebé hela iha nasaun 134 hateke ba Timor-Leste. Ikusnian ha’u hakarak fó hanoin ba imi kona-ba buat rua ne’ebé ha’u hanoin importante liu ba imi hotu iha tinan sira-ne’e. Primeiru: formasaun, formasaun ba imi hotu feto no mane joven sira. Importante liu ba imi-nia futuru. Se ita hakarak País ida livre liután no forte liután, tenke sai País ida ho edukasaun liután no formasaun liután. Ida-ne’e importante liu ba imi! No ita hotu iha Família Saleziana nian fiar tebes duni katak ida-ne’e mak dalan ida ne’ebé ita halo daudaun no ita sei halo hamutuk.  No pontu ikus, ami presiza imi hotu, lideransa Movimentu Juveníl Salezianu atu tulun sira seluk. Movimentu Juveníl Salezianu tenke iha klaru liu katak iha labarik sira seluk tuir imi ne’ebé presiza moris esperiénsia furak ne’ebé imi iha. Ha’u rona liafuan ‘animadór, animadora sira’. Di’ak, ida-ne’e duni. Signifika katak ita tenke kuda maka’as ita-nia kapasidade atu serví sira ne’ebé ki’ik liu ne’ebé mai tuir”.

OMILIA: KSOLOK-JEZÚS-MARIA

Iha omilia, Reitór-Mor, Amu Ángel Fernández Artime, hateten katak nia emosionadu tebes haree joven barak nakonu ho ksolok atu hamutuk iha festa ne’e. “Iha inísiu kedas ha’u hanoin ba Don Bosco, ha’u hanoin ba Madre Mazzarello ho labarik no feto-raan sira iha Mornese no ha’u hanoin saida mak sira hakarak atu ko’alia ba joven sira feto no mane sira. No resposta mak ida hanesan ho buat ne’ebé ami hakarak ba imi, joven doben sira. Saida mak imi hakarak atu Irmaun no Irmán sira hakarak ba imi hotu joven sira? Saida mak sira hakarak ba imi? Buat ida de’it: ‘Imi-nia ksolok’. Loos duni joven sira! Ami la iha finalidade seluk, la iha intensaun seluk duké imi-nia di’ak, imi-nia ksolok, hanesan Madre Mazzarello no Don Bosco hakarak. Entaun, bainhira ami haree imi joven sira halo dalan ida, estudu, formasaun serbisu nian, ami dehan, ida-ne’e di’ak liu atu buka ksolok! Ami haksolok liu bainhira ho tinan sira ne’ebé liu, ami haree ami-nia joven sira tama iha moris iha situasaun estabilidade nian, serbisu, família, misaun, konsagrasaun nian, ami haksolok liu! Ha’u tenke dehan ba imi buat hanesan ne’ebé Don Bosco dehan ba ninia joven sira. Buat ida-ne’e ita labele halo lahó Jezús, lahó Na’i. Ha’u-nia joven doben sira, ha’u hakarak husu ba imi atu keta hasaisai Na’i husi imi-nia fuan. Seguramente iha moris hanesan ho hotu, sei to’o momentu difikuldade sira-nian. Loos! Joven mane no feto ho fuan salezianu, soi Na’i iha nia moris, buat hotu nia bele. Ha’u-nia doben joven sira, ida-ne’e mak segredu atu halo dlan di’ak ksolok nian. Tanba ne’e mak ha’u hakarak dehan mós ba imi: ‘Ita labele husik orasaun, selebrasaun fiar nian. Ita labele husik ida-ne’e! Tanba orasaun la’ós buat seluk maibé halo esperiénsia kona-ba Na’i ne’ebé besik liu ha’u. Don Bosco mós husu ida-ne’e ba ninia joven sira. No ikus, datoluk, bainhira ita lolo  liman ba ita-nia Inan, ne’e dalan seguru ida. Ha’u mós hakarak dehan ba imi atu dehan loroloron ba ita-nia Inan: ‘Inan tau matan mai ha’u, ha’u-nia família no ema sira ne’ebé presiza Ita’.

Nune’e, primeiru: ami hakarak de’it imi-nia ksolok. Maibé presiza halo ne’e ho naran ida, ho Na’i Jezús. Ba ida-ne’e ita tenke iha Nia iha ita-nia fuan no ko’alia ba Nia. No ikus nafatin ho ita-nia liman ihaNa’i-Feto nia liman. Fasil atu hanoin loos, fasil atu rekorda? Atensaun, Atensaun, iha  bonoite ha’u sei bolun atu halo ezame eh?

Entaun ita hotu kontinua atu harohan ho fiar, atu hananu ho emosaun no husu Na’i atu nafatin horik iha ita-nia fuan. Atu nia haraik bensan ba imi hotu”.

BUONA NOTTE: ESPÍRITU FAMÍLIA NIAN

“…Buat ne’ebé ita moris ohin loraik ne’e mak buat ruma ita-nian duni salezianu, ita-nia karizma nian, no ita hanaran espíritu família nian, katak ita sente moris hanesan iha uma. …Ha’u tenke dehan bai mi tanba sá ida-ne’e posivel. Nia segredu fasil liu. Se imi hotu hanoin kona-ba loron ne’ebé ohin ita moris katak ita hotu buat hotu posivel atu oferese buat di’ak liu husi ita: simu malu, kumprimenta malu, dansa sira, knananuk sira, eukaristia, koru ho múzika furak liu, buat hotu imi prepara liuhusi imi-nia laran-luak, agora mós, buat hotu ita halo ba ita hotu nia di’ak. Ida-ne’e mak segredu ita-nia salezianidade no espíritu família nian: halo buat sira ba ema seluk. Ikus nian, Reitór-Mor mós halo fotografia barak: Ita halo hira? 2000, 3000?”

Ida-ne’e de’it. Ha’u-nia joven doben sira. Obrigadu ba imi-nia fuan jenerozu, no tenke kontinua hanesan ne’e. No ita tenke halo atu juventude saleziana iha karakterístika sira-ne’e: simpatia, espíritu família nian no jenerozidade”.

(COMSOC FMATIN)