Liturjia Domingu IV Tempu Komún nian garante ita katak Maromak la tuir ita-nia projetu sira egoízmu no mate nian ne’ebé halo mundu nia oin aat no halo ema sai atan no afirma katak Nia hetan forma sira atu bá hasoru nia oan sira atu propoin ba sira projetu ida liberdade no moris nakonu nian.

Lietura dahuluk propoin mai ita – ho figura Moisés nian – reflesaun ida kona-ba esperiénsia profétika. Profeta mak ema ida Maromak hili, Maromak bolu no haruka atu sai ninia “liafuan” moris iha ema sira nia leet. Liuhusi profeta sira, Maromak bá hasoru ema sira no aprezenta ba sira ninia proposta sira.

Evanjellu hatudu oinsá Jezús, Maromak nia Oan, hodi kumpre projetu libertadór Aman  nian, liuhusi ninia Liafuan no hahalok, hafoun no nakfilak ba ema livre, sira hotu ne’ebé sai dadur egoízmu, salan no mate nian.

Leitura daruak konvida fiar-na’in sira atu hanoin sira-nia prioridade sira no la husik atu realidade tranzitória sira impede sira ba kompromisu loos servisu nian ba Maromak no maun-alin sira.

Download