Jakarta (Indonesia) – Elementu fundamentál ida akompañamentu nian mak kolókiu no iha tradisaun saleziana, enkontru pesoál ne’e mak prátika ordinária ida hala’o iha simplisidade no konfiansa. Maibé, iha tinan ikus sira ne’e, prátika ne’e sai fraku ona iha komunidade sira. Insitutu haree nesesidade atu estuda kona-ba situasaun ida-ne’e no iha fulan ruma liubá, Institutu halo peskiza ida online ba Irmán FMA sira hotu kona-ba kolókiu.

Ne’e mak introdusaun ba enkontru badak Irmán Jacinta Gusmão halo ho komunidade FMA Jakarta kona-ba tema “Kolókiu nu’udar forma ida akompañamentu nian” ne’ebé tuir Don Bosco nu’udar “xave mestra edifísiu Kongregasaun nian” (MB 17,371) no Konstitusaun FMA nian, nu’udar “elementu troka-laek ba kreximentu pesoál no komunitáriu iha ita-nia identidade FMA” (art. 34).

Irmán Jacinta konvida Irmán komunidade Regina Pacis atu bá fali ita-nia Don Bosco no Madre Mazzarello nune’e mós Konstituisaun FMA nian, atu haree saida mak “esensiál kolókiu nian” (definisaun, objetivu, atitude, konteúdu). Konstituisaun define kolókiu nu’udar “momentu privilejiadu atu habiit komuñaun, deskobre Maromak nia hakaran no hakle’an iha vida prátika Institutu nia espíritu” (art.34).

Importante liu atu atu tau atensaun ba kondisaun sira ne’ebé favorese enkontru pesoál  ne’e. Artigu sira 50 (espiritu família nian), 51 (ambiente komunidade apostólika), 52 (papél diretora nian) delinea kondisaun sira ne’ebé tenke kuidadu atu favorese klima ida fiar nian no hakaran komuñaun loos nian ne’ebé prepara antes no kontinua iha relasaun interpesoál, iha klima komunitáriu, iha misaun edukativa. No nu’udar Konstituisaun dehan, ida-ne’e “ezije hotu-hotu nia empeñu” (art.50).

Akompañamentu, iha nivel hotu (kolókiu, diresaun espirituál, dixernimentu komunidade) orienta ema atu halo ninia Projetu Pesoál moris nian. Projetu moris nian tenke atua iha sintonia ho Projetu komunitáriu, ne’ebé planu no elabora hamutuk, basá nia esprime orientasaun unitária ema ida-idak nian, hodi lori ba dalan sira sustentavel no simples atu realiza hamutuk.

(Kom. Regina Pacis Jakarta)