Venilale – Iha loron 8-01-2018, hahú loron dahuluk orientasaun ba alunus foun I Ano ETV. Sr. Alexandrina ho disponibilidade tomak fó nia tempu atu aprezenta ba estudante nain 66 husi area Alimentar no Hotelaria ho Tema “FOIN-SA’E NO LIDERANSA”. Haree katak estudante foun sira ne’e, iha hakarak atu partisipa no tuir atividade sira ho entuziasmu no ativu. Etapa dahuluk mak halo teste IQ hodi fahe ba grupu atu hatán ba pergunta sira ne’ebé fó ba sira.

Segunda etapa apresenta kona ba:

Karaterístika Lideransa: Onestidade, Abilidade atu envolve ema hotu, Kreatividade, Abilidade atu komunika ho ema hotu, fiar-an, kapasidade atu resolve problema no atu gia grupo, aten brani, Flexibilidade, responsavel.

Prinsípiu Lideransa:

• Koñese ita nia kapasidade no dezenvolve nafatin atu sai Lideransa ne’ebe di’ak.
• Hatene halo serbisu hamutuk
• Responsavel ba  ita nia asaun sira
• Halo desizaun ne’ebe los no tuir tempu
• Sai ezemplu/modelu di’ak. Lideransa di’ak iha influénsia maka’as ba ema seluk nia moris.
• Hatene loke-an no transparente
• Sai ema ne’ebe konfiavel, hatene an no iha komitmentu aas ba nia an rasik no mos ba ema seluk
• Hatene klaru metas, no serbisu maka’as atu bele atinji rezultadu.
• Estilu Lideransa: Autoritáriu, Paternalista, Demokrátiku, Transformasionál no Narsisista.

Skill importante Lideransa nian: Adaptavel, Rezolve Problema, Tekniku Komunikasaun, Relasaun Interpesoál (Rede Serbisu), Hatene halo serbisu no Hatene jere.

Joven hanesan Lideransa: Halo sira servisu iha grupu hodi hare oin sa sira nia tipu lideransa nian. Iha grupo barak mak hetan iha sira nia grupu wainhira servisu iha grupu: Lideransa demokrátika  no paternalista, sira hatene atu anima malu no envolve ema hotu servisu iha grupo laran. Maibé grupu balun mós la dun ativu nune’e balun de’it mak serbisu.

Hafoin Ir. Alexandrina taka hodi husu ba foin-sa’e sira, katak atu sai lideransa iha grupo ka iha Instituisaun ida, uluknanai ténkeser sai lideransa ba ita nia-an. Ita nia moris rasik hatudu katak ita mak lideransa di’ak.

(Alexandrina Pinto-Yasintha Bria)