Laga – Komunidade Beata Laura Vicuña Laga, celebra Natal ho familia sira (Madre FMA sira nia inan Aman), iha dia 30 de Desembro, loron molok Festa Sagrada familia nian. Famillia sira too mai iha komunidade  dader tuku sia, tuku sanulu Pe. Manuel Ximenes, SDB, Pároko Laga, koalia ba familia sira kona ba KOMUNGA KRISTO MORIS HANESAN NIA. Atu moris hanesan Kristu, mak tenki iha fiar metin. Nune’e imi familia sira, imi fiar duni iha Maromak, tan ne’e imi fo imi nia oan sira ba Maromak, atu hatutan Kristo nia misaun. Maibe la too deit, fo oan sira ba Kongrgasaun maibe mos, tenki pratika imi nia fiar, hodi reza ba sira nafatin, atu sira fiel too rohan. Don Bosco dehan; se mak fo nia oan atu sai madre, Na’in Feto foti fali nia fatin iha familia, ba Padre sira Jesus mak foti sira nia fatin. Nia rekomenda, Domingo nafatin ba Misa, ne’e mak hatudu sarani diak, imi madre nia familia, imi tenki hatudu sarani diak, fo exemplo diak ba maluk sarani sira seluk. Husi imi nia pratika sarani diak; bele mos dada imi maluk sira sira seluk habesik liu tan ba Maromak. Depois de konferensia selebra Eukaristia hafoin han hamutuk ho familia sira. Familia sira; ami haksolok Festa Familia ida ne’e, aami hakarak tinan seluk hanesan ne’e nafatin.

Han hotu tiha familia sira balun tur hamutuk fahe esperensia ho oan sira, balun ba tasi hafoin fahe malu besik tuku lima.

 

(Simoa Correia)