Dili – Iha 13 Dezembru 2017, Foinsae feto no mane sira hamutuk 41 ne’ebe hamahan an iha Sentru Formasaun  Computer Balide, ohin simu graduasaun husi Sua  Exelensia Secretario de Estadu da Juventude e Trabalho, Sr. Nivio Leite Magalhaes.  Konvidadus sira ne’ebe marka mos prezensa iha Seremonio Graduasaun ne’e mak: Sra. Isabel Fernandes de Lima, nu’udar Diretora Nacional INDMO,   Sr. Igino Ferreira, Diretor Nacional  Formasaun Profisional no mos Diretor sira kada edifisu ne’ebe alunos sira ba halo estajiu.

Iha biban ida ne’e Madre Alma ne’ebe sai nu’udar Diretora Jeral Kursu nian, hato’o mos liafuan ruma ba graduadu sira katak buat ne’ebe aprende presisa atu hakaas an liutan halo diak iha futuru. Iha tempu hanesan Madre Alma mos agradese ba governo liu husi Director/a kada edifisiu sira ne’ebe fasilita ona alunos sira atu halo estajiu fulan 2 nian ho diak no susesu.

Secretario de Estado iha diskursu hateten katak foinsae sira mak futuru nasaun nian, tan ne’e nafatin buka atu aprende no fahe matenek ne’ebe simu bele kontribui ba Nasaun Timor Leste nia diak liu husi skil, koñesimentu no abilidade ne’ebe hetan iha Sentru ne’e ba dezenvovimentu nasaun nia diak . Graduadu sira depois de formasaun iha fatin ida ne’e, sei ba pratika iha edifsiu sira liu- liu iha Ministeriu sira ne’ebe relevante  hodi buka update an hodi aprende  diak liutan nun’e bele  fo kualidade diak ba serbisu. Secretario Estadu ne’e mos salenta liu tan katak sei fo asegura ba formandu sira ne’e atu bele hetan serbisu, tanba Sentru Formasaun sira produs ona foinsae barak tan ne’e presiza deit kolabora hamutuk  Guvernu liu husi Secretario Estado do Juventude e Trabalhalo  bele fo apoiu ba foinsae sira ne’e.

Graduadu sira ne’e mai husi fatin sira mak hanesan: Dili 20, Lospalos 8, Baucau 3, Atauro 3, Viqueque 2 Aileu 1, Ainaro 1, Manatuto 1, Oecuse 1 e Same 1.

Ikus husi seremonia ne’e mak Sua Exelencia ba vizita aula pratika Computador nian hodi hare ho matan Computador ne’ebe presisa atu halo renovasaun,  nune’e bele fo benefisu diak ba alunos sira nia aprendizajen iha fururo ho kualidade diak.

(Ines Bartolo Freitas)