Domingu XXI Tempu Komún – Tinan C
Tema domingu XXI Tempu Komún nian
Liturjia domingu ne’e nian propoin mai ita tema “salvasaun” nian. Asesu ba “Reinu” – ba vida nakonu, ba ksolok totál (salvasaun) – mak don ida Maromak oferese ba mane no feto hotu, lahó esesaun; maibé atu to’o iha ne’ebá, presiza hakribi moris ida foti-an nian, egoísta, auto-sufisiente, prepotente, no tuir Jezús iha dalan domin nian, saran-an nian, don moris nian.
