Laga – Ohin komunidade haksolok tebes, tamba ami nia Superiora to’o na mai. ami hein lori tempo, loron no semana, maibe ohin mak Maromak nia loron, nune’e, ho Festa Nain Feto sala laek nian, ami simu prezente ida husi Nain Feto mak ami SUPERIORA Me. Angelita Gomes, FMA iha ami nia leet. Me. Angelita, hanesan Don Bosco ami mak Bartomeu Garelli, be hein Me. Angelita nia tulun, atu lori ami hatene no besik liu tan ba Maromak

Liafuan Bemvinda ba Irman Angelita!

“Ohin ami hotu haksolok,simu Madre iha ami nia le’et. Ne’ebe mai, sai nu’udar inan, no biin ba ami hotu ne’ebe hela iha komunidade Beata Laura Vicunha ne’e. Ami agradese Na’i tan Madre brani hatan sim ho domin ba Maromak, no ba misaun foun ida ne’e. Ho ksolok ita la’o hamutuk nu’udar biin alin iha Na’i, tamba Na’i mak bolu ita, atu hamutuk hodi serbi Nia.

Mai hamutuk ho ami no akompanha ami iha dalan ba santidade tuir estilu Săo Bosco no madre Mazarello nian. Ami fiar katak Maromak sei servisu liu husi ita bo’ot atu tulun ami ida-idak ne’ebe hela iha fatin ida ne’e.

Hanesan Maria ne’ebe hatan sim ba Maromak hodi dehan;  Na’i ata oan mak ne’e,halo tuir Ita nia Liafuan ba; Ohin ita bo’ot mos hatan ba Na’i nia bolu atu sai hanesan Maria; Sai inan, edukadora, no akompanhadora ba ami iha komunidade ida ne’e. Tan ne’edala ida tan, ami agradese ba ita nia disponibilidade tomak, ne’ebe simu NaiI nia konvite ida ne’e. Ho fuan nakonu ho ksolok ami dehan …….Bemvinda……Bemvinda…………….bemvinda………Madre Angelita doben”.

(Simoa Correia)