Bondo Kodi /Sumba (Indoensia) – Hahi no agradese barak ba Maromak tamba  ho Nia tulun iha loron 20-25 Novembru Ir. Lanny no Ir. Noemia ba Bondo Kodi hela provizoriu iha Pastoran atu hahu halao Misaun iha fatin ne’ebá. Wainhira to’o Padre Paroko laiha, ba konsulta saude iha Bali. Maibe iha Padre Vigario, Pe. Martinus Tena  Ate, Fr. Ferdinand Mavo no membru kansilio parokial balu ne’ebe  hein no simu ofisialmente ho simblu tara tais. Iha loron ne’e kedas iha enkontru hodi hare kona ba orario durante loron hirak  ami iha ne’eba.  Konsiliu Parokial fahe tiha ona ba tim tolu atu ba basis ida-idak. Ir. Lanny ba ho tim 1 no Ir. Noemia ba ho tim 2 ba basis Santa Lusia iha Kampung Kalimbu Laghughu.  Tim 3 ba ho Padre Vigario. Tim 2 vizita uma tolu nulu resin no familia hatnulu resin tolu.familia sira ne’e barak mak seidauk simu sakramentu  Matrimonio no sira nia oan sira mos barak mak seidauk simu sakramentu Batismo.

Vizita ne’e halo atu ami bele konhese sarani sira no hatene sira nia realidade, tempu hanesan konvida fali sira ne’ebe ladun partesipa ativa iha atividade fiar Sarani Katolika nian atu hakbesik an fali ba igreja. Ba sira ne’ebe seidauk simu Sakramentu matrimonio no Sakramentu Batismu iha Festa Natal ne’e sei iha kasamentu massal, tan ne’e tempu diak atu fo hanoin ba sira atu prepara-an.

Esperiensia  furak tebes, ami sai uma tama uma koalia no reza hamutuk ho sira, fahe esperiensia fiar nian ho sirano konvida sira atu ba tuir atividade Kreda nian han no hemu buat ne’ebe sira fo hamutuk ho sira. Iha okaziaun ne’e ami mos dehan ba sira katak ami sei ba hela iha ne’eba,Sira haksolok no hein ami nia prezensa iha sira nia le’et. Ami mos hasoru labarikno foin sae barak iha fatin ida-idak ne’ebe ami ba. Iha Infansia Misioanariane’ebe nakonu hovida no Foinsae (OMK) sira  ne’ebe prepara atividade oi-oin  Festa Natal no Tinan Foun Nian ho entuziasmu.iha esperiensia ne’e tulun  sai  prezensa Misionaria ksolok no esperansa nianiha sira nia le’et no ami haksolok tebes kona ba ne’e. Ami fiar katak Maromak sei haraik Nia Grasa notulun wain ba ema hotu ne’ebe ami hasoru ona no sei hasoru tan iha rai doben Bondo Kodi. Maria Auxiliadora sei hamahan nafatin ita hotu no harohan ba ita nia intensaun diak sira hotu.

(Noemia de Deus)