Dili- 18 Novembru 2017 Irmán Perpetua hamutuk 26 husi  Zona Dili,  simu trransmisaun kona ba Primeiru  Anúnsiu husi Irmán Veronika Kusnadi. Nu’udar introdusaun  Madre Alma fó mensajen furak kona ba enkontru ne’e.  Madre Alma hateten, grupu ne’e mak grupu ikus ba tranzmisaun ne’e.

Tinan ida ne’e mak ita sente katak  Instituto tulun ita atu reflete kona ba Misaun. Primeiru Anúnsiu ne’e lao tinan barak ona. Iha kontinente ida-idak reflete tuir karakteristika ida-idak nian.  Madre Alaide…. , mak Konseleira ne’ebe responsavel  ba Misaun, husu atu hato’o realidade ne’e ba hotu, hodi hateke ba fatin ne’ebe ita hela ba. Objetivu mak reflete kona ba ita nia realidade no husu atu kontinua reflete iha moris lor-loron nian.

Irmán Veronika aprezenta tema “ Il Primo Annuncio Oggi” ho perguntas ruma atu reflete no fahe hamutuk, saida mak Primeiru Anúnsiu? Primeiru Anúnsiu hanesan ahi lakan ne’ebe liu husi Espiritu nia forsa ema nia fuan sei nakloke ba pesoa Jezús Kristu. Iha Primeiru Anúnsiu laos deit haklaken se mak Jezús, maibe oinsa halo deskobre no simu ninia faxinio nu’udar ema ne’ebe deit ba fiar.

Perguntas tuir mai husu, ita propoin Anúnsiu ne’e ba sé?

• liu-liu ba sira ne’ebe seidauk koñese Jezús
• sira ne’ebé simu Primeiru Anúnsiu ho modu la sufisiente
• sira ne’ebé buka ema ruma, ne’ebé sira sente maibe lahatene fó naran.

Primeiru Anúnsiu no Karizma Salezianu

• haluan espasu ba ó-nia tenda, tanba tenda mak fatin enkontru nian ho Maromak
• hateke ida ba ita nia orijen
• Sistema Preventivu nu’udar Primeiru Aúnsiu

Surat  Don Bosco nian husi Roma 1884, hatudu mai ita espetákulu ida  familiár tebes iha sensu loos espíritu família nian, karakteristika ita nia Tradisaun Saleziana, riku ho intimidade, domin, laran metin, simu, prontu atu halo buat hotu ne’ebé husu ba sira «husi ema ne’ebé sira iha serteza katak hadomi sira».

Don Bosco nia surat husi Roma mak konvite ida ne’ebé dezafia ita ida-idak atu moris iha espíritu ida konversaun kontinua nian, nafatin atenta atu haforsa ita nia identidade saleziana.

(Ines Bartolo Freitas)