Graduasaun alunu sira ‘Pré-escolar’ nian

Dili – Liutiha tinan ida prosesu aprendizajem nian, iha eskola Maria Auxiliadora, iha loron 10 Novembru, festeza loron graduasaun ka konklui etapa infancia ba estudante iha nivel pre-eskolar nian hodi hakat ba ensino basico iha primeiro ciclo, primeiro ano. Total pre eskolar ba primeiro ano hamutuk hitunulu resin ualu (78).

iha biban ida ne’e marka mos preseza husi chefe departamentu do ensino sr.Afonso Maia, sr Miguel nudar responsavel ba pre-eskolar municipio Don Aleixo, madre, professor/ar, komundade edukativa no aman inan husi pre-eskolar sira nian. Tempu hanesan hato’o mos diskursu badak husi diretora da eskola Maria Auxiliadora, Me.Olga  sr.Afonso no sr. Miguel. Diretora  me. Olga hato’o parabens ba graduado/a sira hodi hanaran sira nu’udar DOUTOR  A,B,C…imi hatene, koinese, le’e, komprende oiutuan alfabetu sira maibe laos to’o deit iha C maibe tenke to’o iha Z; no mos numerasaun sira husi 1 to’o 100. Imi hatene ona bainhira imi ba primeiru ano sei kompleta letra no tuir mai fraze.

Ba professora nain haat  diretora agradese sira ba sira nia pasiensia, domin, dedikasaun, responsavel no akompaniamentu ba labarik hirak ne’e: imi fera fatuk hodi modela sai fatuk ne’ebe finu ka husi motor groso ba motor fina.

Ba aman inan sira madre hato’o obrigada ba sira nia laran metin hodi husik imi  nia oan sira atu estuda iha fatin ida ne’e. imi mak sai primeiros  edukadores, acompanhadores, mata-dalan hodi gia no diriji imi nia oan sira.  ita tenke servisu hamutuk resiprokamente. Keta abandona imi nia oan sira, hodi fo osan, sasan teknologia moderna sira atu sira esplora mesak, tamba bainhira imi la prepara sira, sira sei sai atan ba sasan hirak ne’e.

Diskursu badak husi chefe departamento do ensino  sr. Afonso Maia Iha ninia diskursu nia foka liu ba inan aman sira. nia dehan:  aman inan sira atu akompania diak liutan sira nia oan iha primeiro ano hodi hare sira nia kreximentu. hanesan ita hatene iha primeiro classe sira sei simu material ne’ebe oin seluk oituan inan aman ajuda sira iha uma no mestre sira halo sira nia servisu iha eskola, ne’e nu’udar baze ka aliserse ba sira nia haburas an iha edukasaun no moral. Aman inaan no mestre sira tenke servisu hamutuk ho estadu atu bele hetan susesu ba labarik sira nia diak. Hau kompara iha foho ami tein uza fatuk tolu laos uz fugaun fatuk tolu ne’e nu’udar aman inan no estadu se fatuk ida mak laiha ita labele hatur sanan ba leten hodi tein. importante pilar ida nee hodi toma konsiderasaun, no fo atensaun diak liutan ba oan sira hodi bele hetan susesu iha edukasaun munisipiu Dili no liu liu iha Timor Leste.

(Grinalda da Costa)