Tema 

Liturjia domingu ne’e nian husu ita kona-ba atitude ne’ebé ita asume hasoru rikusoin sira mundu ne’e nian. Sasán sira-ne’e la bele sai maromak sira ne’ebé dirije ita-nia moris; no konvida ita atu deskobre no hadomi rikusoin sira seluk ne’ebé fó sentidu loloos ba ita-nia ezisténsia no garante ita moris iha plenitude.

Iha Evanjellu, liuhusi “ai-kanoik ema riku beik-teen”. Jezús denunsia kona-ba falénsia moris ida orienta ba de’it soin materiál: ema ne’ebé halo nune’e nia “ulun la loos/bulak” ida basá haluha buat ne’ebé loloos fó sentidu ba ezisténsia.

Iha leitura dahuluk, ita iha reflesaun “qohélet” nian kona-ba moris ne’ebé buka akumula soin…. Maski reflesaun “qohélet” nian la bá dook, nia sai pontu ida atu hahú deskoberta Maromak nian no ninia valór sira no atu hetan sentidu ikus ita-nia ezisténsia nian.

Leitura daruak konvida ita ba identifikasaun ho Kristu: ida-ne’e signifika atu husik “maromak” sira ne’ebé halo ita sai atan no atu moris fila fali beibeik, to’o ita-nia an sai Ema Foun, “Maromak nia ilas nian”.

Download