Genova (Italia) – 31 Outubru 2017, Irman FMA 13 ne,ebe partisipa iha Projetu Mornese Lingua Portuguesa, husi nasaun Brazil, Mosambike e Timor Leste, ho fuan haksolok antisipa selebrasaun tinan 140  espedisaun misionaria FMA nian iha Porto Genova. Eventu nee sai forte  ba ami ida-idak tanba tinan ne.e  selebra tinan ba dala 140. Iha Porto Genova nian ami halao selebrasaun ida hodi hanoin fila fali Irman FMA nain 6: Irman Angela Vallese  tinan 23, Irman Angela Denegri  tinan 17, Irman Teresinha Mazzarello  tinan 17, Irman Teresa Gedda tinan 24, Irman Angela Cassullo tinan 25 e Irman Giovanna Borgna tinan17. Sira nia viagen dahuluk ba rai America (Uruguai) iha loron 14 Novembru 1877, loron nee sai loron  istoriku ba Istituto FMA

Irman nain 6 ho idade kiik  no mos foin halo profisaun Relijiosa tinan 2 deit, prontu ona atu sai ba rai misaun tanba  “Domin ba Cristo no mos Ninia Liafuan” sira prontu atu husik familia, belun no komunidade dahuluk (Mornese) nian ho korajen ba haklaken Kristu ba maun alin sira ne,ebe seidauk hetan naroman Evanjjelu nian. Sira nia viajen fulan ida iha ro laran atu too America. Don Costamagna mak ba hamutuk ho sira nudar Director Espiritual.

Iha loron 14 Novembru 1877, Don Bosco ho Madre Mazzarello rasik mak akompana Irman FMA nain 6 ho Salesiano balun ba porto Genova. Iha momentu ne,eba Don Bosco nakonu ho matan ben hateke ba nia oan Feto no mane sira hodi fo esperansa ba sira katak Jesus ho Maria Auxiliadora hein sira iha rai Amerika. Sira  hotu iha ro laran foti sae lensu hodi fo despedida ba Don Bosco no Madre Mazzarello.

Expedisaun dahuluk ne,e marka ho akontesementu historiku laos deit ba ita nia Instituto maibe ba rai Uruguai (America) ne,ebe simu FMA ba dala uluk ho akontesimentu inkulturasaun Karizma iha kontenente seluk.

Tuir fonte istoriku fatin dahuluk ne,ebe Misionaria sira tama laos fasil atu simu Misionaria sira ho diak kedas tanba fatin ne,eba antiklerikalismu makaas liu, maibe irman sira ho korajen boot halao sira nia apostolado nakonu ho paixaun Apostoliku, sakrifika an ho sira nia moris hodi haklaken Kristu ba povo tuir Karizma Saleziana. Irman sira nia simplisidade no haraik an mak sai Kristu nia oin ba povo sira iha ne,eba.

Esperensia Misionaria nian kuda abut metin iha Kristu nia domin ne,ebe nakloke ba moris lor-loron nian, inspira FMA sira atu ba hasoru foinsae  kiak sira hodi sai “Misionaria Ksolok Esperansa nian ba sira”.

Ho Misionaria FMA dahuluk sira nia sasin fo mai ita ida-idak aten brani atu hatan “SIM” hodi haluan ita ita nia hateke ba Ksolok no Esperansa Misionaria nian.

(Ines Bartolo Freitas)