Hakle’an fiar no moris fiar. Retiru formande FMA nian
![Hakle’an fiar no moris fiar. Retiru formande FMA nian](https://www.fmatin.org/wp/wp-content/uploads/2013/07/retiru formanda-800x500_c.jpg)
POSTULANTE no NOVISIA TINAN DAHULUK HALO SIRA NIA RETIRU ESPIRITUAL IHA VENILALE
Husi Ir Cecilia Del Mundo
Venilale – Postulante no Novísia hamutuk nain sia halo sira nia Retiru anuál iha komunidade Maria Auxiliadora iha Venilale husi loron 19 too 26 Jullu. Fatin ne’ebé hakmatek, klima ne’ebé fresku no malirin, irmán no pre-aspirante sira ne’ebé disponivel nafatin tulun sira atu bele halo didi’ak sira nia esperiénsia enkontru nian ho Jezús iha semana ida nia laran.
Padre Rolando Fernandez,SDB mak fó konferénsia ida ho tema jerál kona ba FIAR : nia halo reflesaun kona ba Fiar nu’udar Maromak nia prezente no inisiativa, Fiar iha Aman Maromak , iha Jezús Kristu, iha Espíritu Santu , iha Mistériu Eukaristia nian, no Maria nia Imakulada Konseisaun, nia Maternidade Divina no Asunsaun. Konferénsia seluk irmán Cecilia del Mundo FMA mak fó. Tema mak Fiar nia forsa no ksolok iha Maria Domenica Mazzarello nia moris. Sira la rona no reflete de’it , maibé iha momentu ruma mós atu fahe sira nia esperiénsia fiar nian ne’ebé hariku malu. Selebrasaun Eukarístika no adorasaun ba Santíssimu Sakramentu mak momentu forte ba sira nia hasoru ho Jezús, ne’ebé moris no fo kbiit nafatin. Iha Bonoite irmán Paola aprezenta dalan oioin atu deskobre no hetan Maromak iha momentu prezente. Iha loron 24 , irmán Paola mai iha Venilale atu hasoru Novísia idaidak no fó Boinote ba sira kona ba Madre Mazzarello ne’ebé tan Fiar buka Maromak ho laran manas nafatin. Ho Misa konkluzaun nian, sira agradese Maromak ba grasa hotu ne’ebé sira simu ho no simu naresin.