Santu Padre hakarak hamutuk iha enserramentu selebrasaun sira-nian no apela: “Imi nunka husik Rozáriu”

Papa Francisco ne’ebé prezente iha “Peregrinação Internacional do Centenário” boot dahuluk (13 Maiu 2017), hatudu hikas nia prezensa iha Peregrinasaun ikus, liuhusi mensajen ida, ho lian españól, hato’o ba peregrinu sira hotu liuhusi ékran sira iha Santuáriu Fátima nian.

«Maun-alin sira, iha loron ne’ebé imi selebra enseramentu Sentenáriu Aparisaun Santíssima Virjen nian iha Fátima, ha’u hakarak haruka ba imi ha’u-nia bensan no ha’u-nia saudasaun.

Ha’u sei lori iha ha’u-nia fuan, memória viajen nian no bensan sira ne’ebé Virjen hakarak hariak mai ha’u no ba Igreja iha loron ne’ebá. Imi keta ta’uk, nunka, basá Maromak di’ak liu duké ita-nia mizéria sira hotu; no gosta liu ita.

La’o bá oin. No nunka hadook an husi Inan. Hanesan labarik ne’ebé besik nia inan no sente segura, nune’e mós ita iha Virjen nia sorin ita sente seguru liu. Nia mak ita-nia garantia.

No, finalmente, ha’u hakarak fó konsellu ida ba imi: Imi nunka husi Rozáriu. Imi nunka husik Rozáriu; imi nunka husik Rozáriu, reza Rozáriu, hanesan Nia husu.

Hodi Padre no hodi Filho no hodi Espírito Santo.

No imi reza mós mai ha’u.

Obrigadu».