Husi irmán Agata

Letefoho – Maromak hatudu nia domin liu husi eventu no esperiénsia oioin ne’ebé liu iha moris. Atu dehan iha loron 19 Jullu, irmán Alexandrina, superiora komunidade Balide, ne’ebé tau matan ba formasaun aspirante no postulante sira-nian bá Lete-Foho vizita família Postulante Marta nian. Ema hotu kontente ho madre sira nia prezensa. Família hotu-hotu halibur hamutuk tanba tinan ha’at ona oan ida-ne’e bá hela iha Konventu maibé relasaun entre família no Irmán ladauk iha.

Família sira dehan bainhira simu madre Alexandrina hateten “bainhira loos madre sira-ne’e mai, dala barak ita hasoru iha fatin oioin maibé lahanesan wainhira mai iha ami-nia uma. Nune’e ho ksolok boot ami simu madre sira maske ba tempu badak de’it, ami sente grasa ida mai ami, atu madre sira maski dook maibé mai vizita ami. Kuaze tinan haat mak Marta sai husi ami nia sorin, no ohin ho vizita ida nee’e, dehan mai ami katak Marta husik ami família ne’ebé fó moris no hakiak nia, maibé Marta hetan fali ona família ida tan, ita sei sai família boot ida”. No irmán Alexandrina fahe ba família sira Marta nia formasaun atu bá oin iha novisiadu no husu ba família atu akompaña ho sira-nia domin no orasaun.

 

Família simples ho ninia esperiénsia únika tanba la iha ema ne’ebé bele fó oan atu bá hela iha Konventu lahó razaun, klaru ke sei iha prosesu nia laran maibé família laran metin tebes iha Maromak nia laran-sadia no domin, hodi husu tulun husi Na’i ba oan ne’e atu la’o bá oin iha fiar no domin.

“Fatin dook duni… ami sai husi Dili tuku 08.00 no to’o iha Letefoho kuaze tuku 12.00, ami oin foun nune’e la’o la to’o de’it……wainhira ami to’o, tur atu han de’it ho hakmatek atu fahe esperiénsia..maski kole liu, maibé família tomak ho entuziasmu simu ami hanesan bainaka espesiál nune’e ami nia kolen semo lakon kedas”, irmán Alexandrina hateten.