Venilale – Atu selebra “Loron Mundiál Maromak nia Liafuan nian” ne’ebé akontese iha Domingu loron  24 Setembru 2017, (inisiativa husi Kongregasaun Paulina (haree artigu Me. Jacinta Gusmão iha FMATIN), komunidade santa Maria Mazzarello hola inisiativa ida atu fó Valór  liután ba Maromak nia Liafuan ho atividade sira hanesan tuir mai ne’e :

1. Rekreiu ho BÍBLIA (21 Setembru). Rekreiu ne’e halo iha grupu ho pergunta bázíku sira kona-ba Bíblia, hafoin grupu ne’ebé manan sei compete fali iha kalan tuir mai hodi prepara fali puizia no le’e Salmu ruma nu’udar grupu.
2. Konkursu BÍBLIA (30 Setembru). Ho disponibilidade, komunidade prepara alunu/a no oratorianu sira atu halo konkursu Bíblia. Atividade ne’e hetan resultadu pozitivu tebes husi alunu/a sira tanba ho entuziamu prepara-an hatán ho seguru ba pergunta sira ne’ebé hato’o husi juri sira. Grupu sira ne’e tuir asosiasaun ne’ebé iha eskola Técnico-Vocacional- Venilale. Grupu ne’ebé manán iha konkursu ne’e mak GRUPU DON BOSCO ho ninia animadora mak Ir Jacinta Gusmão FMA.

************

 

Poezia ida kona-ba “Maromak nia Liafuan”

 

Liafuan halo-An ba mane;

Nia tun hanesan ahi ne’ebé hamanas ema nia fuan

Nia mak fó naroman bainira iha nakukun laran

Nia roman leno mundu raiklaran.

 

Liafuan mai hanorin ita

Liafuan halo ita hatene pasiénsia, hadomi no Perdua.

Nia gia ita nia dalan sira atu to’o Lalehan

Tan liafuan mak ami nia  salvasaun.

 

Iha Nia, ami hetan forsa, matenek atu deside

Aten brani atu la’o ba oin

Nia moris iha ami laran,

Liafuan mak ita mesak Na’i ami-nia Maromak. (Grupu Arte)

(Yasinta Hoar Bria)