A rainbow of love and thanks. Festa agradesimentu iha komunidade S.José
![A rainbow of love and thanks. Festa agradesimentu iha komunidade S.José](https://www.fmatin.org/wp/wp-content/uploads/2013/07/novisiadu-agradese-800x500_c.png)
Husi irmán Cecilia Delmundo
Dili – Iha loron 12 fulan Jullu Komunidade S.José Komoro selebra Festa agradesimentu nian ba prezensa ksolok no domin ne’ebé ami fahe ba malu durante tinan ida tomak nia laran. Liuliu agradese ba Me. Superiora irmán Ermelinda Gomes ne’ebé sai nu’udar animadora no gia komunidade nian. Ne’e mak tradisaun ne’ebé Don Bosco husik hela ba nia oan sira no to’o ohin loron sei buras iha Filhas De Maria Auxiliadora sira nia moris iha Institutu nia laran.Festa ne’e simples de’it, maibé furak liu, uluknanain tan durante semana nia laran, ami reza ba ami nia traballadór sira, animadór sira, kolaboradór sira, oratorianu, Padre Salezianu sira, novísia sira no irmán ida-idak. Iha iniziativa ida atu agradese ida-idak hodi hakerek sira nia kualidade pozitivu no entrega ba sira iha loron agradesmenti nian. Ho Orasaun Laudes nian no Selebrasaun Eukarístika ami hahí no agradese Maromak ba prezensa ida-idak nian iha komunidade edukativa . Iha meiudia, ho klima ksolok no faternidade nian ami han hamutuk ho ai-han midar liu ne’ebe ekipa tein no prepara. Iha Rozáariu espesiál, ami medita Maria nia Magnificat no molok atu remata ami ida-idak simu envelope agradesimentu nian husi irmán sira. Durante rekreiu ami aprezenta númeru rua nu’udar komunidade nia gratidaun ba irmán Ermelinda. Ida mak powerpoint ho titulu “You are our colorful friend “. Tuir mai, kantu ida ho titulu “ Il canto dei colori “, ho slides ne’ebe akompaña. Juniora sira ne’ebé halo sira-nia segundu noviziadu esprime mós sira nia agradesimentu ho knananuk ida. Irmán Ermelinda konklui ho nia agradesimentu no ho nia reflesaun kona ba kór oin-oin ne’ebé wainhira tau hamutuk bele sai arku-iris ne’ebe furak. Mensajen mak ita nia diversidade ne’ebé úniku, wainhira ita tau hamutuk bele hametin komuñaun atu halao misaun ne’ebé entrega mai ita ho kriatividade no laran-manas.