Dili – Iha loron 6-8 fulan Outubru, komunidade Edukativa no Irmán FMA sira, halibur hamutuk iha Sentru Formasaun João Paulo II, hodi hala’o avaliasaun ba tinan tolu nian. Enkontru ida ne’e partisipa husi madre FMA sira, leigu no foin-sa’e sira, partisipante sira hamutuk na’in 60, ne’ebé mai husi komunidade ida-idak iha inspetoria laran, komunidade ida-idak delega ema nain 5.

Ba loron dahuluk nian, iha loron 6 Outubru, avaliasaun ba Irmán FMA sira de’it, ne’ebé haree liu ba asunsaun renovada Konstituisaun nian.

Molok tama ba serbisu sira, Ir Alma Castagna, Provinsiál, hahú hodi loke enkontru ne’e ho orasaun no introdusaun badak kona objetivu husi avaliasaun ida ne’e. Depoizde madre nia introdusaun, fahe kedas ba grupu ida-idak atu ba diskuti kona ba pergunta ne’ebé iha tiha ona, foka liu kona ba  “oinsá FMA  sira esprime iha moris konkretu asunsaun renovada konstituisaun no regulamentu sira husi institutu”. Hodi hatán ba pergunta ida ne’e mak husi grupu ida-idak fó sira nia hanoin no fahe  sira nia esperiénsia katak:

• Asunsaun renovada konstituisaun nian permite mai ita  atu husik ita-nia hakarak sira ne’ebé la koerente ho ita-nia identidade karizmátika.
• Konxiente no konvensida kona-ba promesa   vokasaun ne’ebé  ita  halo    ho liberdade, moris ho   responsabilidade  no ksolok ita-nia   vokasaun no misaun.
• Konstante atu estuda konstituisaun no regulamentu, haklean, konfronta ho Maromak Nia Liafuan no asimila sira iha moris loro- loron nian no husik interpela atu  hafoun ita-nia moris.

Iha loron daruak no datoluk, 07-08 Outubru ,sira ne’ebé partisipa mak mai husi leigu, joven no FMA sira. Konteúdu ba loron ne’e nia mak haree liu kona-ba kondisaun, difikuldade sira, prosesu ne’ebé atu habiit, atitude ne’ebe’ lori ba mudansa no perspetiva sira.

Atu hatán ba pergunta sira iha leten, modalidade ne’ebé uza mak fahe ba grupu-grupu tuir hilin sira ne’ebe’ Institutu husu atu halo iha tinan nee ne’e: Nakfilak-an liu husi enkontru; Hamutuk ho foin-sa’e sira no Misionária esperansa ni ksolok nian.  Atividade ne’ebé halo iha grupu laran mak reflete, fahe no ikus hamutuk halo sínteze, remata tiha iha grupu hafoin ba aprezenta iha asembleia.

Iha loron daruak nian, wainhira diskute kona ba atitude sira, hahú hodi reza rozáriu espesiál. Gida-idak koko atu lee  no reflete atitude sira ne’e prepara tiha ona iha kada mistériu.

Iha loron ikus nian, aprezenta fali rezultadu sira husi pergunta hotu verifika trienál nian kona-ba kondisaun sira ne’ebé favorese mudansa, rezisténsia sira no difikuldade sira ne’ebé hanetik, atitude sira no prosesu sira atu habit, hafoin remata hodi halo votasaun ba leigu no foin-sa’e sira ne’ebé sei ba partisipa iha avaliasaun iha Tailândia, avalisaun no taka ho orasaun.

(Maria Sarmento Guterres)