Dili – Formasaun zonal nebe realiza iha Venilale iha loron 23 Setembru ho nia tema “Knaar familia no Eukaristia” fasilita husi pe. Manuel Ximenes SDB.

Iha okaziaun ne pe. Manuel hatutan katak Eukaristia mak fatin iha nebe kristaun Katóliku agradese ba Maromak ba buat hotu nebe Maromak halo.

Eukaristia mak sakrifisiu Santu tamba Yesus fo nia an rasik atu salva ita ema. Eukaristia mak komunaun santu katak iha sakramentu eukaristia ita sai simu Kristu nia isin no ran rasik no ita sai ida deit ho Kristu. Eukaristia mak han hamutuk iha nebe ita hanoin Jesus han dala ikus ho nia apostolo sira. Eukaristia mak Kristu Mate no moris hias atu salva ita ema. No Eukaristia mak Misa santu katak selebrasaun eukaristia remata ho misaun misionariu nian atu ema idak ba haklaken no tau iha Pratika Moris tuir Maromak nia hakarak.

Familia kompostu husi  elementu hat: Aman, inan, oan no uma. Iha familia Nazare iha Saun Jose, Nain feto Jeus no uma.

Family:

• F= ather
• M= other
• I
• L= ove
• Y= ou

Han hamutuk ho Familia  katak ita sai ida deit hanesan iha eukaristia ita sai ida deit ho Kristu. Familia  mak fatin halo Dialogo entre inan aman no oan, Hanesan iha Eukaristia ita halo sakrifisiu atu rona no buka solusaun ba probelema ruma nebe akontese iha familia. Familia barak ohin loron la abitua ona ho toman diak sira lahatene agradese ba malu, relasaun familia ohin loron ladu diak tamba la iha komunikasaun nebe befetivu katak lafo importansia ba ema nebe besik maib preukupa liu ho ema nebe dok husi sira.

Molok remata pe. Manuel mos hatudu video Estreia Reitor mor nian kona ba Familia katak Familia mak fatin eskola moris no domin.

Depois de aprezentasaun kontinua kedas ho sesaun husu no hatan konklui ho orasaun, animasaun Merenda no fahe malu.

(Olga)