Fulan agradesimentu iha Escola Maria Auxiliadora
Dili – “Agradese”. Ne’e mak liafuan ne’ebé “Escola Maria Auxiliadora” foti durante fulan Setembru tomak. Tanba sa mak tenki agradese? Ne’e mak tradisaun ida husi espiritualidade salesiana nian. Los duni, uluk nanain agradese ba grasa moris ida-idak nian husi Maromak, tuir mai ema hotu ne’ebé haleu ami, hahú husi aman inan, edukadores, trabalhadores, tuir mai baa mi-noia ambiente furak nu’udar uma komun ka eskola nian ne’ebé tulun ami atu realiza ami nia prosesu aprendijazen ho di’ak. Obrigada Na’in.
Lalaok agradesimentu nian hahú husi loke fulan Biblia nian ho Eukaristia Santa iha Parokia Maria Auxiliadora, tuir mai ho Selebrasaun intrudusaun ba BIBLIA iha eskola no KUIZ husi 30 ano to’o 90ano. Kuiz ne’e nia durasaun durante semana tolu, tanba eskola prepara materiais no foto kopia ba estudante sira no fahe grupo iha klasse laran, tuir mai sira kompete entre sira, hafoin turma-turma no remata ho klasse kontra malun, nune’e ikus mai estuda hotu estuda maibé tanba halo konkorénsia nune’e ema hotu labele hetan primeio, maski hotu-hotu dekor nune’e husi -745 estudantes 24 pesoas mak hetan premio.
Hafoin dedika loron-loron reza ba malu. Nune’e iha dia 11 de Setembru reza ba Pre-eskolar, dia 12-20; 10 ano -90 a no,no tuir mai to’o loron sei hafoin loron ida reza ba estagiarious husi UNTL, loron ida ba trabalhadores, loron id aba professores hotu,loron ida ba kapelaun, loron ida ba estudante sira nia inan-aman no loron ida ba eskola tomak. Preparasaun sai tasak liu espiritualmente liuhusi konfessaun ne’ebé sei realiza iha dia 21,22, 28,29 hafoin remata ho Missa agradesimentu iha dia 30 de Setembru no konfraternizasaun, simu premio.
Hamutuk ho buat hotu iha leten iha dia 16 de Setembru iha mós loron kultural ne’ebé halo konkorénsia dansa tradisiona katak dansa la uza sasan digital maibé tenki típiku Timor Leste nian no cantico popular ida ho títulu : “ Simu Na’in Nia Grasa”
Iha loron ne’e simu Na’i Nia grasa; Halo ha’u fiar-an nafatin hasouru moris ne’e. Ho neon metin atu labele monu ba sala! Ref. Tulun mai ha’u atu ha’u nia fiar nafatin ba Na’in. Tulun mai ha’u atu ha’u nia domin sei fahe ba malu. Iha loron ne’e ha’u sei hatudu buat ne’ebé Na’i fó mai ha’u sei hato’o ba maluk sira hotu kona-ba domin Na’in nian.
Dia 23 sei jogos organizada husi konsellu estudantes sira ba eskola tomak.
Nune’e momentu ida ne’e ami nia orasaun la’o hela ba oin, ohin eskola Maria Auxiliadora tomak reza ba 60 ano turma A,B,C no sira nia diretora da turma. Orasaun hahú ho intrudusaun badak foti husi leitura loron nian, liafuan di’ak ruma nu’udar “Bom Giorno” tuir estilu salesiano, (aihan loron tomak nian) hafoin hananu hamutuk no estudante sira husi 60 ano ba taka sira nia naran iha parede (Ocfb-FMA).
